坦言無資格評論大哥 陳自強自嘲被成龍「擺埋一邊」

陳自強昨日為旗下新公司及日本富士電視台合作的《打造21世紀星光新偶像》出席記者會，宣布於港、日兩地各發掘一位女新人，湊成組合進軍娛樂圈。

　　談到與成龍的關係，陳自強表示兩人之間一直沒簽合約，還指成龍可說是他30多年來的老闆。

　　提到近日成龍的言論事件，陳說：「無論有咩事，不論到我給意見、討論，坦白講，我唔識政治，呢個好深，超出我的範圍，不要再問。（曾志偉指懷念你在成龍身邊的時間？）絕對是志偉好朋友給面子說話。（以前做騷也是你幫忙度稿？）不一定是我，一班人去度。（大哥是否不擅說話表達自己？）無論他講甚麼都不到我評論。（覺唔覺得唔睇你台戲？）我離開了他成年幾，將我擺埋一邊一點都不出奇，我們上次見面是《新宿事件》首映，也有以好朋友方式互抱問候，30多年合作關係，唔會忘記無咗。（會否覺得他不夠飲水思源？）不可講得咁嚴重，目前我工作計畫不需要大哥，我唔排除再有合作機會。（有否心痛網民鬧他？）任何人講嘢有自由想法。」

　　另外，陳自強表示簽新人會愈多了解背景愈好，又指最好不吸毒，年輕人很多時做錯事，最重要是面對、負責任和知錯要改。文、圖：黃芷櫻

　　■陳自強（中）表示離開了成龍年多，並說：「將我擺埋一邊一啲都不出奇」。